नयाँ दिल्लीमा रास्वपा सभापति लामिछाने र भाजपा नेताबीच छलफल

काठमाडौँ - राष्ट्रिय स्वतन्त्र पार्टी (रास्वपा) का सभापति रवि लामिछाने र भारतको सत्तारुढ भारतीय जनता पार्टी (भाजपा) का नेता नितिन नवीनबीच नयाँ दिल्लीमा भेटवार्ता भएको छ।

भारत भ्रमणका क्रममा रहेका लामिछानेले भाजपाको केन्द्रीय कार्यालय पुगेर नवीनसँग भेट गरेका हुन्। भेटका क्रममा नेपाल-भारत सम्बन्ध, दुई दलबीचको संवाद तथा आपसी सहकार्यका विभिन्न आयामबारे विचार आदान-प्रदान भएको जनाइएको छ।