बलियो संघीयताको माग गर्दै जनमतले माइतीघरमा प्रदर्शन गर्ने

काठमाडौँ । डा.सीके राउत अध्यक्ष रहेको जनमत पार्टीले बलगर (बलियो) संघीयताको माग राख्दै भोलि माइतीघर मण्डलामा प्रदर्शन गर्ने भएको छ ।

संघीयतालाई बलियो बनाउनुपर्छ भन्दै यसअघि 'नौलो गणतन्त्र'का लागि आन्दोलनको घोषणा गरेको जनमत पार्टीले घोषणाबाहेक अरू थप कार्यक्रम गर्न सकेको थिएन । २०८१ जेठ १५ गते भृकुटीमण्डपबाट नौलो गणतन्त्रका लागि आन्दोलनको घोषणा गरेको थियो ।