लेदोमा डुब्यो विद्यालय, कक्षामै छन् कापीकिताब [फोटोफिचर]

भोटेकोशी हुँदै त्रिशुलीमा आएको बाढीका कारण धादिङको गल्छी गाउँपालिका–६ बैरेनी बजारस्थित बागेश्वरी मावि क्षतिग्रस्त छ । विद्यालयको प्रांगण र कक्षाकोठामा लेदो छ ।

भदौ १० गते बिहान विद्यार्थी विद्यालय आइसकेका थिए । तर, बाढीको खबरपछि भागाभाग मच्चियो । यसपछि विद्यार्थीले कक्षामै झोला छोडेर भागेका थिए । ती झोला अहिले कक्षाकोठामै छन् ।