‘निष्पक्ष छैन वितरण’ भन्दै वडा सदस्यको तालाबन्दी

कपिलवस्तु । बुद्धभूमि नगरपालिकाको कृषि शाखामा साना कृषि यन्त्र (ट्याक्टर) वितरण प्रक्रियालाई लिएर विवाद उत्पन्न भएपछि वडा सदस्यले कार्यालयमै तालाबन्दी गरेका छन्।

वडा सदस्य शंकर विष्टले ट्याक्टर वितरण प्रक्रिया निष्पक्ष नभएको आरोप लगाउँदै कृषि शाखामा ताला लगाएका हुन्। उनका अनुसार एउटै वडामा मात्रै ३५ वटा ट्याक्टर वितरण गरिएको विषयले गम्भीर शंका उत्पन्न गरेको छ। वास्तविक किसानको पहिचान नगरी पहुँचका आधारमा अनुदान वितरण गरिएको हुनसक्ने उनको आरोप छ।