‘सुडानमा अन्तरसमुदायिक हिंसा बढ्यो‚ मानवीय सहायता प्रभावित’

सुडान। पश्चिमी सुडानका डार्फुर र कोर्डोफान क्षेत्रमा जारी युद्धबीच अन्तरसमुदायिक हिंसा बढ्दै गएको छ। साथै हैजाको सम्भावित प्रकोपले मानवीय सङ्कट थप जटिल बनाएको संयुक्त राष्ट्रसंघले जनाएको छ।

संयुक्त राष्ट्रसङ्घीय मानवीय सहायता समन्वय कार्यालयका अनुसार मध्य डार्फुर र दक्षिण डार्फुर प्रदेशहरूमा प्रतिद्वन्द्वी समुदायबीच भएको झडपमा मानवीय क्षति भएको छ। हजारौँ मानिस विस्थापित भएका छन्। केही परिवारहरू छिमेकी देश चाडतर्फ पलायन गर्न बाध्य भएका छन्।