स्ट्यान्डर्ड चार्टर्ड बैंकले एकै दिन ५ सय बिरुवा रोप्दै मनायो ‘विश्व वातावरण दिवस’

काठमाडौं । स्ट्यान्डर्ड चार्टर्ड बैंक नेपाल लिमिटेड (एससीबीएनएल) ले विश्व वातावरण दिवस–२०२६ को अवसरमा कीर्तिपुरस्थित आदिनाथ सामुदायिक वनमा भव्य वृक्षारोपण अभियान सम्पन्न गरेको छ । “प्रकृतिबाट प्रेरित । जलवायुको लागि । हाम्रो भविष्यको लागि” भन्ने यस वर्षको नारालाई आत्मसात् गर्दै बैंकले स्थानीय हरियाली विस्तार, जैविक विविधता प्रवद्र्धन र दीर्घकालीन वातावरणीय दिगोपनप्रति आफ्नो प्रतिबद्धता पुनः पुष्टि गरेको छ ।

कार्यक्रममा बैंकका करिब ३५० कर्मचारीहरूले स्थानीय समुदायसँग काँध मिलाएर फलफूल, फूल फुल्ने तथा छाया दिने प्रजातिका ५ सय बिरुवा रोपे। सामूहिक श्रम र स्वयंसेवी भावनाको यो दृश्यले आदिनाथ सामुदायिक वनलाई हरित उत्सवमय बनाएको थियो ।