कांग्रेसको १५औँ महाधिवेशनको प्रक्रिया अघि बढाउने शशांकको घोषणा

काठमाडौं । नेपाली कांग्रेसको केन्द्रीय कार्यसमितिको आधिकारिकतासम्बन्धी विवादमा सर्वोच्च अदालतले महाधिवेशनसम्बन्धी गतिविधि रोक्न आदेश नदिएपछि १४औँ महाधिवेशनबाट निर्वाचित वैधानिक केन्द्रीय कार्यसमितिले नै १५औँ महाधिवेशन गर्नुपर्ने भन्दै नेता डा. शशांक कोइरालाले महाधिवेशनको प्रक्रिया पुनः अघि बढाउने घोषणा गरेका छन् । उनले १५औँ अधिवेशन तथा महाधिवेशनको कार्यतालिका यथाशीघ्र सार्वजनिक गर्ने बताएका छन् ।

कोइरालाले पार्टीको आधिकारिकतासम्बन्धी मुद्दा सर्वोच्च अदालतमा विचाराधीन रहेकाले कुनै पनि पक्षले पार्टीमा थप विवाद वा विभाजन सिर्जना हुने गतिविधि गर्न नहुने बताएका छन् ।