नागढुंगा सुरुङमार्गमा बिहानी दौड, तस्बिरमा हेर्नुहोस्

काठमाडौँ । नागढुंगा र सिस्नेखाला जोड्ने नागढुंगा सुरुङ मार्गमा आज ‘नागढुंगा टनेल फन रन एण्ड वाक’ आयोजना गरिएको छ । निर्माण सम्पन्न भएको करिब एक वर्षपछि आगामी साउन ११ गतेदेखि परीक्षणका रूपमा सञ्चालनमा आउन लागेको सुरुङ मार्गमा बिहान दौडको कार्यक्रम आयोजना गरिएको हो ।

विभिन्न प्राविधिक तथा व्यवस्थापकीय कारणले सञ्चालनमा आउन ढिलाइ भएको सुरुङ मार्ग अब चरणबद्ध रूपमा सञ्चालनमा ल्याइने तयारी गरिएको छ । सडक विभाग र जाइकाको आयोजनामा यो कार्यक्रम आयोजना गरिएको हो । उद्घाटन कार्यक्रममा जापान अन्तर्राष्ट्रिय सहयोग नियोग (जाइका) का प्रतिनिधिहरू सहभागी हुनेछन्।