कोसी प्रदेश आतिथ्य उद्योगको नयाँ केन्द्र बन्दै

कोसी प्रदेश पछिल्ला केही वर्षयता नेपालको आतिथ्य उद्योगको नयाँ केन्द्रका रूपमा उदाउँदै गएको छ। औद्योगिक तथा व्यापारिक गतिविधिका कारण परिचित यो प्रदेश अहिले अन्तर्राष्ट्रियस्तरका होटेल, लक्जरी रिसोर्ट, सम्मेलन केन्द्र र आधुनिक पर्यटन पूर्वाधारको विस्तारसँगै नयाँ पहिचान बनाउन सफल भइरहेको छ। विराटनगर, इटहरी, दमक, भेडेटार, मेचीनगरलगायत प्रमुख सहरमा अर्बौं रुपैयाँको निजी लगानी भित्रिन थालेपछि कोसी प्रदेश पर्यटन र आतिथ्य उद्योगको नयाँ ‘हटस्पट’ बन्दै गएको हो।

एक समय सामान्य व्यावसायिक बासस्थानमा सीमित रहेको होटेल उद्योग अहिले पाँचतारे होटेल, अन्तर्राष्ट्रिय ब्रान्ड, सम्मेलन केन्द्र, रिसोर्ट र लक्जरी आवाससम्म विस्तार भएको छ। व्यवसायीहरूका अनुसार यो परिवर्तनले प्रदेशको अर्थतन्त्र, रोजगारी, पर्यटन तथा सेवा क्षेत्रलाई नयाँ गति दिएको छ।