राज सिग्देलको सुमधुर गजलमा झुम्यो दोहा

दोहा। आदिकवि भानुभक्त आचार्यको २१२औँ जन्म जयन्तीको अवसरमा कतारको दोहामा आयोजित विशेष साहित्यिक तथा साङ्गीतिक कार्यक्रम भव्य रूपमा सम्पन्न भएको छ । अन्तर्राष्ट्रिय नेपाली साहित्य समाज (अनेसास) कतार च्याप्टरद्वारा आयोजित कार्यक्रममा प्रख्यात गजल गायक राज सिग्देलको सुमधुर प्रस्तुतिले सम्पूर्ण हललाई गजलमय बनाएको थियो ।

कार्यक्रमको प्रमुख आकर्षण बनेका गजल गायक राज सिग्देलले आफ्ना चर्चित गजलसँगै नेपाली साहित्यका वरिष्ठ स्रष्टाहरूका सिर्जनालाई सुमधुर स्वरमा प्रस्तुत गरेका थिए । विशेषगरी ‘उ जितेर गई या हारेर गई’ गजल प्रस्तुत हुँदा दर्शकदीर्घा नै गुन्जिएको थियो ।