दमौली अस्पतालमा डिजिटल भुक्तानी तथा डाइनामिक क्यूआर प्रणाली सञ्चालनमा

गण्डकी- सेवाग्राहीलाई छिटो, सहज र व्यवस्थित सेवा प्रदान गर्ने उद्देश्यसहित दमौली अस्पतालले डिजिटल भुक्तानी तथा डाइनामिक क्यूआर प्रणाली सञ्चालनमा ल्याएको छ। गण्डकी प्रदेशमै पहिलो पटक यस्तो एकीकृत प्रणाली जडान गरिएको अस्पतालले जनाएको छ।

अस्पतालका प्रमुख डा. परिवर्तन बरालका अनुसार नयाँ प्रणाली अन्तर्गत अस्पतालका विभिन्न सेवाहरूलाई डिजिटल माध्यमसँग जोडिएको छ। हाल ६ वटा मनिटर जडान गरिएका छन्, जसमा तीन वटा स्वास्थ्य बिमा काउन्टर, एउटा भुक्तानी (पे काउन्टर) र दुई वटा फार्मेसी सेवासँग सम्बन्धित छन्। यसले बिरामीको पालो व्यवस्थापनलाई प्रभावकारी बनाउँदै सेवा प्रवाहलाई व्यवस्थित गर्ने अपेक्षा गरिएको छ।