एसीसी महिला प्रिमियर कप : कतारमाथि नेपालको सानदार जित

काठमाडौँ- मलेसियामा आज (बुधबार) बाट सुरु एसीसी महिला प्रिमियर कपमा नेपालले सुखद सुरुआत गरेको छ। मलेसियाको कोल्जे टुङ्गुर जाफर ओभलमा बुधबार सम्पन्न प्रतियोगिताको पहिलो खेलमा नेपालले कतारविरुद्ध ८ विकेटको जित हात पारेको हो । कतारले दिएको ७८ रनको मध्यम लक्ष्य नेपालले १०.५ ओभरमा २ विकेट गुमाएर पूरा गर्यो ।

नेपालको जितमा विन्दु रावलले ३० बलमा ४ चौकाको सहयोगमा ३३ रनको इनिङ खेलिन्। उपकप्तान पूजा महतो २६ बलमा ४ चौकाको सहयोगमा २८ रनमा अविजित रहँदा कप्तान इन्दु बर्माले ६ रन बनाइन्।