बाढीपछि खोटाङका ८ जना सम्पर्कविहीन

११ भदौ, खोटाङ । रसुवाको भोटेकोशीमा आएको बाढीपछि खोटाङका ८ जना सम्पर्कविहीन भएका छन् । दिक्तेल रुपाकोट मझुवागढी नगरपालिकाका ३ जना र ऐसेलुखर्क गाउँपालिकाका ४ जना सम्पर्कविहीन भएको जानकारी आएको जिल्ला प्रहरी कार्यालय खोटाङका डिएसपी प्रकाश बुढाथोकीले बताए ।

दिक्तेल रुपाकोट मझुवागढी–३ बाम्राङ घर भई हाल नेपाली सेनाको मैलुङ पोष्टमा कार्यरत लेसनायक पवन खत्री दाहाल सम्पर्कविहीन छन् । सोही नगरपालिका वडा नम्बर १५ बिजयखर्कका कविन राई, वडा नम्बर ४ खाल्लेका सुर्जबहादुर परियार पनि सम्पर्कविहीन छन् ।