‘प्रलय मजाक होइन, संकट ठट्टा होइन, डलर खेती बन्द गरौँ, संकटमा सकेको सहयोग गरौँ’ (सम्पादकीय अपिल)

काठमाडौँ । बाढी आएको छ, पुलतिर फोटो खिच्नेहरुको रमिता छ । मान्छे मरेका छन्, फोटो भिडियो बनाउनेहरुकै कोलाहल छ । हेर्नै नसकिने तस्विरहरु राखेर, देखाउनै नहुने भिडियो पोष्ट्याएर, संकट, प्रलय संवेदनाकै मजाक उडाइएको छ । यस्तो लाग्छ, ती मान्छेभित्र कुनै भावना छैन । उनीहरुका लागि डलर फलाउने महोत्सव चलिरहेछ । कहिलेकाहिँ त नेपालीहरुको पारा देखेर बाँदरहरुलाई पनि रिस उठ्छ होला । त्यसै बुढापाकाले होइन रहेछन्, ‘बरु गुन्द्रुक सुध्रेर साग बन्ला, जाँड सुध्रेर मही बन्ला तर यी बेवकुफहरु सुध्रनेवाला छैनन् ।’