रुसभित्र युक्रेनको भीषण ड्रोन आक्रमण, आठको मृत्यु

युक्रेनले पश्चिमी रुसमा गरेको भीषण ड्रोन आक्रमणमा कम्तीमा आठ जनाको मृत्यु भएको छ भने दर्जनौं घाइते भएका छन्। रुस–युक्रेनबीच लगातार आक्रमण–प्रत्याक्रमण जारी रहेकै बेला भएको यो घटना पछिल्ला तीन वर्षयताकै रुसभित्र भएको सबैभन्दा घातक युक्रेनी ड्रोन आक्रमणमध्ये एक मानिएको छ।

रुसको ताम्बोभ क्षेत्रका गभर्नर येभगेनी पेर्भिशोभका अनुसार शनिबार राति भएको आक्रमणमा रुसको सबैभन्दा ठूलो अनलाइन खुद्रा कम्पनी वाइल्डबेरीज को कोतोभ्स्कस्थित गोदाममा ठूलो क्षति पुगेको छ। घटनाका बेला रात्रि सिफ्टमा कार्यरत सात कर्मचारीको मृत्यु भएको तथा २५ जना घाइते भएको उनले जानकारी दिएका छन्। घाइतेमध्ये एक जनाको अवस्था गम्भीर छ भने अन्य छ जनाको अवस्था पनि चिन्ताजनक रहेको बताइएको छ।