काठमाडौंका सडकमा ट्राफिक प्रहरीलाई सघाउँदै ‘युनिट्री’ रोबोट, मापसे गर्नेलाई दिनेछ सचेतना तालिम

काठमाडौं । सामाजिक सञ्जालका विभिन्न प्लेटफर्ममा पछिल्लो समय एउटा रोचक दृश्य भाइरल भइरहेको छ- रोबोटले यात्रुलाई जेब्रा क्रसिङमा बाटो काट्न सहयोग गरिरहेको र काठमाडौं उपत्यका ट्राफिक प्रहरी कार्यालयमा प्रहरीसँगै उभिएर सचेतना फैलाइरहेको ।

नेपालमा यो प्रविधि भित्र्याउने र यसलाई नेपाली परिवेश अनुकूल बनाउने काम एमएडब्लू ग्रुप अन्तर्गतको ‘एमएडब्लू वृद्धि फ्युचर टेक’ (युनिट्री नेपाल) ले गरिरहेको छ । कम्पनीले चीनको रोबोटिक्स कम्पनी ‘युनिट्री’ का रोबोटहरू नेपाल ल्याएर विभिन्न क्षेत्रमा तिनको व्यावहारिक उपयोगिताको परीक्षण गरिरहेको हो ।