गोरखामा दुई दिने मुटु परीक्षण शिविर, एक हजार बढीले लिए सेवा

गोरखा- सम्भव नेपालको आयोजनामा गोरखामा दुई दिने निःशुल्क मुटु जाँच शिविर सम्पन्न भएको छ। शनिबार र आइतबार प्रदेश अस्पताल गोरखा र सिरानचोक गाउँपालिकाको नयाँसाँघुमा आयोजना गरिएको शिविरबाट एक हजारभन्दा बढीले सेवा लिएका छन्।

रोटरी क्लब अफ गोरखा र गोरखा नगरपालिकाको समन्वय तथा मनमोहन कार्डियोथोरासिक भास्कुलर तथा ट्रान्सप्लान्ट सेन्टर र सेभ द हार्टको प्राविधिक सहयोगमा सञ्चालन गरिएको शिविरबाट सेवा लिएका एक हजार २१ जना सेवाग्राहीमध्ये करिब ५ सय जनाको इसिजी र २ सय ६९ जनाको इको गरिएको थियो।