पर्वतमा ट्र्याक्टर दुर्घटना, दुई जनाको मृत्यु

पर्वतको कुश्मा नगरपालिका-९, एकोहोरे पाठामा ट्र्याक्टर दुर्घटना हुँदा दुई जनाको मृत्यु भएको छ।

शनिबार कुश्माबाट साइकल चोकतर्फ जाँदै गरेको ग १ त ७२७३ नम्बरको ट्र्याक्टर एकोहोरे पाठास्थित दोबिल्ला–फलेवास सडकखण्डमा दुर्घटना भएको हो। ट्र्याक्टर अनियन्त्रित भएर सडकबाट करिब एक सय मिटर तल खसेको जिल्ला प्रहरी कार्यालय, कुश्माले जनाएको छ।