विश्वकप २०२६ कसरी बन्यो १० अर्ब डलरको महाआयोजना ?

फिफाले सन् २०२२ को आर्थिक प्रतिवेदन सार्वजनिक गर्दा निकै गर्वका साथ आफ्नो उपलब्धि प्रस्तुत गरेको थियो, र त्यसका पछाडि बलियो कारण पनि थियो । कतारमा सम्पन्न शीतकालीन विश्वकपसँगै सकिएको त्यो वर्षमा फिफाले ५.८ अर्ब अमेरिकी डलर (हालको विनिमय दरअनुसार करिब ८ खर्ब ९५ अर्ब ८६ करोड ८० लाख नेपाली रुपैयाँ) आम्दानी गरेको थियो । फिफाले त्यसलाई ‘अतुलनीय आर्थिक उपलब्धि’ भनेको थियो ।

त्यतिबेला विश्व फुटबलको सर्वोच्च निकायले केही सातामै यति ठुलो रकम कहिल्यै कमाएको थिएन । व्यावसायिक साझेदारी, टेलिभिजन प्रसारण अधिकार र टिकट बिक्री– सबै क्षेत्रको आम्दानी नयाँ उचाइमा पुगेको थियो । कतार विश्वकपबाट भएको कुल आम्दानी रूस (२०१८) र ब्राजिल (२०१४) विश्वकपभन्दा धेरै थियो भने १६ वर्षअघि दक्षिण अफ्रिकामा भएको विश्वकपबाट प्राप्त ३.३६ अर्ब डलर आम्दानीको झन्डै दोब्बर थियो ।