यु–१६ इन्टर स्कुल क्रिकेट: केएमसी, जेम्स र रेडियन्ट विजयी

काठमाडौं। एसियन ई–लर्निङ ‘जयकुमारनाथ शाह स्मृति यु–१६ इन्टर स्कुल क्रिकेट प्रतियोगिता’ अन्तर्गत बुधबार त्रिवि र मूलपानी मैदानमा सम्पन्न खेलहरूमा केएमसी, जेम्स र रेडियन्ट रिडर्स स्कुलले आ–आफ्नो खेलमा जित दर्ता गरेका छन्।

त्रिवि क्रिकेट मैदानमा केएमसी स्कुलले हिमालयन ह्वाइटहाउसलाई ६ विकेटले पराजित गर्‍यो। ९० रनको लक्ष्य केएमसीले १३ ओभरमै ४ विकेट गुमाएर पूरा गर्‍यो। कप्तान बिधान सापकोटाले अविजित ४८ रन बनाए भने अमित कुमार दासले ३ विकेट लिए। लगातार दोस्रो हारसँगै ह्वाइटहाउस प्रतियोगिताबाट बाहिरिएको छ।