प्रावि शिक्षक विज्ञापनमा चासो,आयोग र केन्द्र के गर्दैछन्?

काठमाडौँ- शिक्षक सेवा आयोगमा पदाधिकारी रिक्त रहँदा शिक्षक पदपूर्ति, विज्ञापन र बढुवा प्रक्रिया प्रभावित भएको छ। आयोगका प्रशासकीय प्रमुख हरिप्रसाद निरौलाले शिक्षा तथा मानव स्रोत विकास केन्द्रबाट शिक्षक पदपूर्तिको विवरण प्राप्त भएपछि आवश्यक प्रक्रिया अघि बढाउन कुनै कठिनाइ नहुने बताए।

तर,आयोगमा पदाधिकारी नहुँदा कामकाज प्रभावित भएको छ। सरकारले राजनीतिक नियुक्तिबाट भएका विभिन्न निकायका पदाधिकारीको पद रिक्त गरेसँगै शिक्षक सेवा आयोग पनि नेतृत्वविहीन बनेको छ। यस कारण प्राथमिक तहको विज्ञापन र बढुवासम्बन्धी अन्तर्वार्ता समेत रोकिएको सरोकारवालाहरूको भनाइ छ।