बेवास्तामा परेको युवा पुस्ता

आज नेपालका हजारौँ घरपरिवारले भोगिरहेको एउटा प्रमुख समस्या भनेको युवापुस्तामा बढ्दो तनाव, चिन्ता, निराशा र लागूपदार्थको दुर्व्यसन हो । कतिपय अवस्थामा समस्याको सही समाधान पहिल्याउन नसक्दा युवाहरू गलत मार्ग रोज्न बाध्य भइरहेका देखिन्छन् ।

यो केवल एउटा सामाजिक टिप्पणी मात्र होइन, वस्तुगत तथ्याङ्कले पनि यस भयावह स्थितिलाई पुष्टि गरेको छ । तर यहाँ एउटा गम्भीर प्रश्न उठ्छ– के युवा पुस्ता साँच्चै बिग्रिएकै हो त ? कि हाम्रो परिवार र समाजले उनीहरूलाई सही समयमा सही तरिकाले बुझ्न र मार्गनिर्देशन गर्न नसकेको हो ?