भोटेकोशीदेखि नारायणीसम्म उद्धारमा सशस्त्र प्रहरीको ठूलो परिचालन, ९८ शव फेला

काठमाडौं– रसुवाको भोटेकोशी हुँदै त्रिशूली र नारायणी नदीमा आएको भीषण बाढीपछि खोज तथा उद्धार र विपद् व्यवस्थापनका लागि १ हजार ५०० भन्दा बढी सशस्त्र प्रहरी परिचालन गरिएको छ ।

सशस्त्र प्रहरीले प्रभावित क्षेत्रमा विपद् प्रतिकार्य बेस स्थापना गरी भत्किएका संरचनामा खोज तथा उद्धार गर्न दक्ष जनशक्ति र गोताखोर तालिमप्राप्त टोली परिचालन गरेको जनाएको छ। टोलीले बाढीबाट प्रभावित विभिन्न संरचना, जलविद्युत् आयोजना तथा अन्य जोखिमपूर्ण क्षेत्रमा सम्पर्कविहीन व्यक्तिको खोजी तथा उद्धारलाई निरन्तरता दिइरहेको छ।