शीतल निवासबाट लुटिएको हात्तीको दाह्रासहित ५ जना पक्राउ

काठमाडौँ । राष्ट्रपति कार्यालय शीतल निवासबाट जेनजी आन्दोलनपछि गत भदौ २४ गते लुटिएको हात्तीको दाह्रासहित ५ जनालाई प्रहरीले पक्राउ गरेको छ । प्रहरीले हात्तीको दाह्रासहित पाँच जना पक्राउ गरेको छ । काठमाडौँ उपत्यका अपराध अनुसन्धान कार्यालयले हात्तीको दाह्रासहित पाँच जनालाई सार्वजनिक गरेको हो ।

पक्राउ पर्नेमा काठमाडौँको मनमैजु बस्ने राजीव महर्जन, गोरखाका टेकप्रसाद गुरुङ, वसन्तपुर बस्ने आयुष महर्जन, बैतडीका पुरन बोहरा र गोरखाकै सन्तबहादुर भुजेल छन् । अवैध रूपमा वन्यजन्तु हात्तीको दाह्रा ओसारपसार विक्री वितरण तथा सञ्चय गरेको गोप्य सूचनाका आधारमा उनीहरूलाई पक्राउ गरिएको प्रहरीले जनाएको छ ।