नेपाली बजारमा नयाँ पुस्ताको अत्याधुनिक विद्युतीय एसयूभी ल्याउँदै जीडब्लूएम

काठमाडौँ । विश्वका १७० भन्दा बढी देशमा लाखौँ ग्राहकको विश्वास जित्न सफल अटोमोबाइल ब्रान्ड जीडब्लूएम (ग्रेट वाल मोटर्स) ले नेपालमा अत्याधुनिक विद्युतीय एसयूभी भित्र्याउने तयारी गरेको छ ।

आगामी एसयूभीको आधिकारिक घोषणा नभए पनि यसमा ५२० किलोमिटरसम्मको ड्राइभिङ रेन्ज र ७ वटा एयरब्याग रहनेछन् । गाडीमा ३६० डिग्री सराउन्ड भ्यु क्यामेरा, ब्लाइन्ड स्पट मोनिटरिङ, र गाडीमुनिको दृश्य समेत हेर्न मिल्ने १८० डिग्री ट्रान्सपेरेन्ट चेसिस भ्यु प्रविधि समावेश हुनेछ ।