प्यूठानका तीन पालिकाबाट उद्धार कोषमा सहयोग

काठमाडौं– भोटेकोशी बाढीबाट प्रभावितको उद्धार, राहत, उपचार तथा पुनःस्थापनाका लागि प्यूठानका तीन वटा गाउँपालिकाले आर्थिक सहयोग घोषणा गरेका छन्।

झिमरुक गाउँपालिकाले गाउँपालिका अन्तर्गतका जनप्रतिनिधि, कर्मचारी तथा शिक्षकको तलबबाट १० लाख रुपैयाँ, गौमुखी गाउँपालिकाले २ लाख रुपैयाँ र जनप्रतिनिधि तथा कर्मचारीको एक दिनको तलब बराबरको रकम तथा ऐरावती गाउँपालिकाले ११ लाख ९ हजार ५६९ रुपैयाँ प्रधानमन्त्री दैवी प्रकोप उद्धार कोषमा जम्मा गर्ने निर्णय गरेको ती गाउँपालिकाहरूले जनाएका छन्।