राष्ट्रवादी शक्ति निर्माणको कसरत, धवलशमशेरले गरे राजसंस्था पक्षधर जेन–जीसँग संवाद

अभियान्ता दुर्गा प्रसाईंसँग मिलेर नयाँ दल गठनको प्रक्रियामा लागेका राष्ट्रिय प्रजातन्त्र पार्टी (राप्रपा)का महामन्त्री डा. धवलशम्शेर राणाले जेन–जी समूहसँग छलफल गरेका छन् । राणाले राजसंस्था पक्षधर युवाहरूको संगठन जेन–जी एलायन्स फर मोनार्कका प्रतिनिधिहरूसँग बुधबार संवाद गरेका हुन् ।

भेटका क्रममा समसामयिक राजनीतिक अवस्था, राष्ट्रवादी शक्तिहरूबीचको सहकार्य तथा भविष्यमा बलियो राष्ट्रवादी राजनीतिक शक्तिको निर्माणका विषयमा छलफल भएको जनाइएको छ।