मलेसियामा रास्वपाको प्रवासी संगठनको दोस्रो अधिवेशन सम्पन्नः नेत्र केसीको नेतृत्वमा नयाँ कार्यसमिति

काठमाडाैँ । मलेसियामा राष्ट्रिय स्वतन्त्र पार्टी (रास्वपा) निकट प्रवास नेपाली सम्पर्क विभागको दोस्रो अधिवेशन क्वालालम्पुरमा रूपमा सम्पन्न भएको छ । अधिवेशनले सन् २०२६–२०२८ कार्यकालका लागि नेत्र केसीको नेतृत्वमा नयाँ कार्यसमिति सर्वसम्मत रूपमा चयन गर्दै मलेसियामा रहेका नेपाली समुदायको हक, हित, सुरक्षा र अधिकार संरक्षणका लागि थप सक्रिय हुने प्रतिबद्धता व्यक्त गरेको छ । मलेसियामा कार्यरत नेपाली श्रमिक, व्यवसायी, विद्यार्थी तथा विभिन्न पेसामा आबद्ध नेपालीहरूको साझा हितलाई केन्द्रमा राखेर सम्पन्न यस अधिवेशनले प्रवासी नेपाली समुदायलाई सङ्गठित, सशक्त र जिम्मेवार बनाउने लक्ष्य लिएको छ ।

नयाँ कार्यसमितिमा नेत्र केसी सभापति, किरण थापा उपसभापति, बाशुदेब भट्ट सचिव, हेमराज सापकोटा सहसचिव, खेमराज खत्री कोष प्रमुख र कुलबहादुर कोइराला सह–कोष प्रमुखमा निर्वाचित भएका छन् । सदस्यहरूमा कपिल बोहरा, उमेश कोइरी महतो, कमल चन्द, प्रकाश गिरि, राज लामा, सन्तोष केसी, लिला मगर, कैलाश विष्ट, श्याम तामाङ, नकुल ढुंगाना, प्रमोद महतो, रुपेश विक, ईश्वर आले, जयप्रकाश शाहा, प्रदीपकुमार शाहा, विनय हमाल, सागर केसी, टेक थापा, चन्द्रमान श्रेष्ठ, कमलबहादुर विष्ट, प्रकाश पुजारा, मिना बुढा, दिनेश दास, जिबराज भुषाल, चन्द्र घिमिरे, हरिनाथ मोहन्त, संजय नेघा, ताराध्वज शाही, महेश अधिकारी, धुर्वनारायण शर्मा, बाबुराम थापा, प्रकाश पौडेल, तिपेन्द्र बुढा मगर र रुद्र श्रेष्ठ चयन भएका छन् । संगठनलाई अनुभवी मार्गदर्शन प्रदान गर्न दीपक बोगटी, नारायण अधिकारी, विनोद यादव, राजु शर्मा, शिव थापा, मिलन ठकुरी, टंक खड्का, सुन्दर आले मगर र शिव खड्कालाई सल्लाहकारमा मनोनयन गरिएको छ ।