जंगली च्याउ खाँदा बिरामी परेकी महिलाको मृत्यु

दाङ- दाङको तुलसीपुरमा जंगली च्याउ खाँदा बिरामी परेकी एक महिलाको शनिबार बेलुकी मृत्यु भएको छ। तुल्सीपुर उपमहानगरपालिका –३ बल्लेकी ३७ वर्षीया दीपा पुनको थप उपचारका लागि बाँकेको नेपालगञ्ज तर्फ लैजाने क्रममा बाटोमै मृत्यु भएको इलाका प्रहरी कार्यालय तुलसीपुरका प्रहरी अधिकारीले जानकारी दिए।

मृतकको शव पोष्टमर्टमका लागि राप्ति प्रादेशिक अस्पताल तुल्सीपुरमा राखिएको छ। असार ३२ गते स्थानीय जंगलबाट खोजेर ल्याएको जंगल च्याउ खाँदा उनीसहित घर परिवारका पाँच जना विरामी परेका थिए। थप चाल जना भने उपचार पछि घर फर्किएका छन्।