'शव गाड्नु भनेको शव नष्ट गर्नु होइन'

काठमाडौँ । रसुवा बाढीपहिरोमा भेटिएका तर पहिचान नभएका शव वा शरीरका अङ्गहरू गाड्नु भनेको शव नष्ट गर्नु नभएको सरकारले बताएको छ ।

पहिचान नभएका शवहरूबारे फैलिएको भ्रमलाई स्पष्ट पार्दै स्वास्थ्य सेवा विभागअन्तर्गत राष्ट्रिय स्वास्थ्य शिक्षा सूचना तथा सञ्चार केन्द्रले प्रचलित कानुन तथा निर्देशिकाबमोजिम नै शवको सुरक्षित व्यवस्थापन गरिएको जानकारी दिएको हो ।