वडा कार्यालय र स्वास्थ्य चौकी भवन शिलान्यास

मुस्ताङ । वारागुङ मुक्तिक्षेत्र—१ झारकोट गाउँमा वडा कार्यालय र स्वास्थ्य चौकी भवन शिलान्यास गरिएको छ । त्यहाँस्थित झारकोट गुम्बाका प्रमुख लामा घिर्मी रिङझिङ ठकुरीले दुवै भवनको धार्मिक विधिपूर्वक शिलान्यास गरेका हुन् ।

स्वास्थ्य चौकीको करिब सात रोपनी जग्गामा वडा कार्यालय र स्वास्थ्य चौकी भवन निर्माण गर्न लागिएको हो । यी दुवै भवनको दुई महिना अघि ठेक्का सम्झौता भई निर्माणको काम अघि बढाइएको थियो ।