दिल्ली प्रहरीको कारबाहीपछि के होला सीजेपी आन्दोलनको भविष्य ?

भारत : पर्यावरण अभियन्ता सोनम वाङ्चुक २८ जुनदेखि आफ्ना मागहरू राख्दै दिल्लीको जन्तर–मन्तरमा आमरण अनशनमा बसेका थिए । तर शनिबार बिहान दिल्ली प्रहरीले उनलाई जन्तर–मन्तरबाट उठाएर सफदरजंग अस्पताल लग्यो । दिल्ली प्रहरीले उच्च अदालतको आदेशअनुसार वाङ्चुकलाई त्यहाँबाट हटाइएको जनाएको छ ।

शनिबार उनको अनशनको २१ औं दिन थियो । उनले केन्द्रीय शिक्षा मन्त्री धर्मेन्द्र प्रधानको राजीनामा र परीक्षामा भएको अनियमितताको विरोधमा अनशन सुरु गरेका थिए । वाङ्चुकलाई अस्पताल लगिएपछि कक्रोच जनता पार्टी (सीजेपी) ले आफ्नो आधिकारिक एक्स ह्यान्डलमार्फत घोषणा गर्‍यो, ‘अभिजीत दीपके अनिश्चितकालीन अनशनमा बसेका छन् । जुलाई २० मा हुने ‘चलो संसद’ मार्च पूर्व निर्धारित कार्यक्रमअनुसार नै हुनेछ ।’