भक्तपुरमा ट्र्याक्टर पल्टिँदा दुई जनाको मृत्यु, नौ घाइते

चाँगुनारायण नगरपालिका–८ मञ्जुश्री गुम्बानजिक ट्र्याक्टर पल्टिँदा दुई जनाको मृत्यु भएको छ भने नौ जना घाइते भएका छन् ।

भक्तपुरतर्फ फर्किंदै गरेको ट्र्याक्टर पल्टिएर च्यापिँदा भोजपुर नगरपालिका घर भई हाल काठमाडौंको सिनामङ्गल बस्ने ३२ वर्षीय विजय राई र सिन्धुली घर भई हाल काठमाडौंको सिनामङ्गल बस्ने २६ वर्षीय हेमबहादुर नेपालीको ज्यान गएको जिल्ला प्रहरी परिसर भक्तपुरका प्रहरी उपरीक्षक सूर्यबहादुर खड्काले जानकारी दिए ।