आठ स्थानको सडक पूर्ण अवरुद्ध, २१ जिल्लामा गाडी चलाउन रोक

काठमाडौँ । साउन ३ गते साँझदेखि विभिन्न जिल्लामा लगातार वर्षा भइरहेको छ । वर्षाका कारण बाढी र पहिरोको जोखिम रहेको भन्दै जोखिमपूर्ण ठाउँमा स्थानीय प्रशासनले सतर्कता अपनाएको छ ।

वर्षाका कारण आठ ठाउँको सडक पूर्णरुपमा अवरुद्ध भएको छ । इलामको इलाम नगरपालिका–९ राजदुवालीस्थित मेची राजमार्गमा पूर्णरुपमा अवरुद्ध भएको कोशी प्रदेशका डीआईजी विनोद घिमिरेले जानकारी दिए । कोशीमा पानीको सतह बढेर १ लाख ८७ हजार क्यूसेक पुगेको छ । कोशीको २५ वटा ढोका खोलिएको डीआईजी घिमिरेले बताए ।