गर्मीका कारण बर्दिबासका विद्यालय तीन दिन बन्द

अत्यधिक गर्मी र तातो हावा (लु) का कारण विद्यार्थीहरू कक्षाकोठामै बेहोस हुन थालेपछि बर्दिबास नगरपालिकाले नगरभित्र सञ्चालित सम्पूर्ण विद्यालय तीन दिनका लागि बन्द गर्ने निर्णय गरेको छ ।

नगरपालिकाका प्रमुख प्रशासकीय अधिकृत राममणि अधिकारीका अनुसार बढ्दो गर्मी र तातो हावाले विद्यार्थीहरूको स्वास्थ्यमा प्रतिकूल असर पार्न थालेपछि नगर कार्यपालिकाको निर्णयअनुसार बिहीबार तीन दिनसम्म सामुदायिक, संस्थागत (निजी)तथा धार्मिक विद्यालयमा बिदा दिइएको हो ।