वास्तविकबाट प्रेरित हली

ओम प्रतीकको निर्देशनमा निर्माणाधीन फिल्म हली आगामी साउन २२ गते रिलिजमा आउने भएको छ। निर्माण टिमले फिल्मका दुई पोस्टर सार्वजनिक गर्दै फिल्मको रिलिज डेट तय गरेको हो।

फिल्मको सार्वजनिक एक पोस्टरमा फिल्मका मुख्य कलाकारहरू रिसाहा स्वभावमा देखिएका छन्। ओम प्रतीक,सरोज खनाल,प्रमोद दीप र सुजाता थापा रिसाहा अनुहारमा देखिएका छन्। उनीाहरूबीचको सम्बन्धमा खटपट परेपछिको अवस्था पोस्टरमा देख्न झल्काइएको छ। पोस्टरले फिल्मको कथामा हुने एउटा घटनालाई प्रस्तुत गरेको छ। उनीहरूको पछाडी एक घरको दैलोमा भित्र र बाहिर दुई महिला थाल बोकेर बसेका छन्। यसले नारीको वेदना कथाले भन्न खोजेको छ।