हिजबुल्लाहले आक्रमण रोकेमा युद्धविराम लागू गर्न इजरायल र लेबनान सहमत

वाशिङटन डीसी । इजरायल र लेबननले युद्धविराम कार्यान्वयन गर्न सहमति जनाएका छन्। अमेरिकी विदेश मन्त्रालयले जारी गरेको विज्ञप्तिअनुसार यो सहमति इरान समर्थित हिजबुल्लाहले आफ्ना सबै आक्रमण पूर्ण रूपमा बन्द गर्ने शर्तमा आधारित छ।

यो घोषणा दक्षिणी लेबननमा इजरायली आक्रमणबाट कम्तीमा नौ जनाको मृत्यु भएको र हिजबुल्लाहले उत्तरी इजरायलतर्फ रकेट प्रहार गरेको केही घण्टापछि आएको हो। ती घटनाले अप्रिलमा भएको युद्धविरामलाई पुनः चुनौती दिएको थियो।