औद्योगिक क्षेत्रबाट ४६ करोड ८६ लाख रुपैयाँ महसुल संकलन, बक्यौता नतिर्ने १० उद्योगको विद्युत् लाइन काटियो

काठमाडौं- औद्योगिक क्षेत्रका भौतिक संरचना प्रयोग गरेबापत उद्योगीहरूले गत असार मसान्तसम्म राज्यकोषमा ४६ करोड ८६ लाख रुपैयाँ महसुल दाखिला गरेका छन्। औद्योगिक क्षेत्र व्यवस्थापन लिमिटेडका अनुसार देशभर रहेका विभिन्न १० वटा औद्योगिक क्षेत्रमा सञ्चालित उद्योगबाट उक्त रकम संकलन गरिएको हो।

लिमिटेडका सूचना अधिकारी वासुदेव सोडारीका अनुसार देशभरका औद्योगिक क्षेत्रमा सञ्चालनमा रहेका ३०० भन्दा बढी उद्योगको करिब ८८ करोड रुपैयाँ महसुल बक्यौता रहेको छ। बक्यौता उठाउन लिमिटेडले कडाइका साथ असुली अभियान अघि बढाएको जनाएको छ।