कुवेतमाथिको इरानी आक्रमणबाट खाडी देशहरू क्रुद्ध, के भन्छ इरान ?

२१ वैशाख, काठमाडौं । खाडी सहयोग परिषद् (जीसीसी) ले बुधबार कुवेत र बहराइनमा भएको आक्रमणलाई लिएर इरानको कडा आलोचना गरेको छ। सङ्गठनले यी आक्रमणहरूलाई कायरतापूर्ण भन्दै यसले यस क्षेत्रमा तनाव थप बढाएको बताएको छ।

इरानले लगातार चालिरहेको यस्ता कदमहरू खाडी देशहरूको सुरक्षा, स्थिरता र सम्प्रभुताका लागि खतरा रहेको जीसीसी महासचिव जासिम मोहम्मद अलबुदैवीले बताए ।