सरकारले स्वार्थअनुसार संविधान र कानुन बदल्न खोज्दैछ: शंकर पोखरेल

नेकपा एमालेका महासचिव शंकर पोखरेलले वर्तमान सरकारले संविधान र कानुनलाई आफ्नो स्वार्थअनुसार परिवर्तन गर्न खोजेको आरोप लगाएका छन्। उनले कानुन संशोधनको नाममा राज्य संयन्त्रको दुरुपयोग हुन सक्ने भन्दै त्यसप्रति सचेत रहन आग्रह गरेका छन्।

पार्टी केन्द्रीय कार्यालय च्यासलमा आयोजित सांसदहरूको प्रशिक्षण कार्यक्रममा बोल्दै पोखरेलले सरकारले चालु आर्थिक वर्षमै डेढ सयभन्दा बढी कानुन संशोधन गर्ने तयारी गरिरहेको विषय सार्वजनिक भएको उल्लेख गर्दै त्यसको उद्देश्यप्रति प्रश्न उठाए।