बजेटको मुखमा आयोगकी सदस्य लामिछानेले दिइन् राजीनामा

पोखरा । गण्डकी प्रदेश नीति तथा योजना आयोगकी सदस्य दुर्गा लामिछानेले राजीनामा दिएकी छिन् । सरकार बजेट बनाउने चटारोमा छ । असार १ गते प्रस्तुत हुने बजेटका लागि मन्त्रालयगत छलफल तीव्र भइरहेको छ ।

प्रदेश सरकारले नीति तथा कार्यक्रम संसदमा प्रस्तुत गरिसकेको छ । तर, नीति तथा कार्यक्रम र बजेट निर्माणमा प्रमुख भूमिका हुने नीति तथा योजना आयोग भने सदस्य विहीन भएको छ । सदस्य लामिछानेले व्यक्तिगत कारण देखाएर राजीनामा दिएकी हुन् । उनले जेठबाटै लागू हुने गरी मुख्यमन्त्री सुरेन्द्रराज पाण्डेलाई राजीनामा पत्र बुझाएकी हुन् ।