खुल्न थाल्यो फेसबुक

काठमाडौँ । आइतबार दिउँसाे एक्कासी विश्वभर अचानक अवरुद्ध भएको सामाजिक सञ्जाल फेसबुक सेवा बिस्तारै पुनः सञ्चालनमा आउन थालेको छ। प्राविधिक समस्याका कारण साढे १० बजेपछि लगइन र फिड लोड हुन छोडेको फेसबुकमा अहिले सुधार देखिएको हाे ।

अवरोधका कारण विशेषगरी डेस्कटप ब्राउजर प्रयोगकर्ताहरू मारमा परेका थिए, जहाँ अकाउन्ट अस्थायी रूपमा उपलब्ध नभएको सन्देश देखाइएको थियो। हाल धेरैजसो स्थानमा डेस्कटप संस्करण र मोबाइल एप दुवै सामान्य रूपमा चल्न थालेका छन्।