बाढी प्रभावित क्षेत्रमा एनसेलको निःशुल्क भ्वाइस, डेटा र एसएमएस सेवा थप एक साता

काठमाडौं– एनसेलले बाढी प्रभावित क्षेत्रमा उपलब्ध गराउँदै आएको निःशुल्क भ्वाइस, डेटा र एसएमएस सेवा थप सात दिनका लागि बढाएको छ। यससँगै प्रभावित क्षेत्रमा शनिबारदेखि थप एक सातासम्म यी सेवा निःशुल्क उपलब्ध हुनेछन्।

यसअघि कम्पनीले तीन दिनका लागि निःशुल्क डेटा, अल नेट भ्वाइस र १०० वटा एसएमएस उपलब्ध गराएको थियो। विपद्का बेला प्रभावित नागरिक तथा उद्धार र राहतमा खटिएका टोलीलाई सञ्चार सम्पर्क सहज बनाउन सेवा अवधि थप गरिएको एनसेलले जनाएको छ।