कोरियाको कुपाङको गोदाममा लागेको आगो ३७ घण्टा बितिसक्दा पनि नियन्त्रणमा आएन

दक्षिण कोरियाको इन्छनस्थित कुपाङको गोदाममा लागेको आगो ३७ घण्टा बितिसक्दा पनि नियन्त्रणमा आउन सकेको छैन। इन्चोन अग्नि नियन्त्रण विभागका अनुसार स्थानीय समय राति ११ बजेसम्म आगो नियन्त्रणमा आउने अपेक्षा गरिएको थियो। तर, हावाको गति र घटनास्थलको अवस्थाअनुसार आगो पूर्ण रूपमा निभाउन अझ समय लाग्ने देखिएको छ।

लामो समयसम्म आगो बल्दा भवनका केही भागमा रहेको कंक्रिट फुटेर स्टिल संरचना बाहिर देखिन थालेको छ। यद्यपि दक्षिण कोरियाली भवन संरचना इन्जिनियरहरूको प्रारम्भिक मूल्याङ्कनअनुसार सम्पूर्ण भवन भत्किने सम्भावना कम रहेको बताइएको छ। आगो पूर्ण रूपमा निभेपछि विस्तृत सुरक्षा परीक्षण र आवश्यक अस्थायी संरचनात्मक सुदृढीकरण गरिनेछ।