कांग्रेसमा एकता कायम गर्न इतर पक्षका पाँच प्रस्ताव

नेपाली कांग्रेसभित्र पार्टी एकता कायम गर्दै १५औँ महाधिवेशनको तयारीलाई सहमतिका साथ अघि बढाउने उद्देश्यले इतर पक्षले पाँचबुँदे प्रस्ताव अघि सारेको छ। प्रस्तावमा केन्द्रीय कार्यसमितिलाई पूर्णता दिने, कार्यसम्पादन समिति गठन गर्ने, महाधिवेशनको कार्यतालिका घोषणा गर्ने तथा क्रियाशील सदस्यताको विवाद समाधान गर्ने विषयलाई प्राथमिकतामा राखिएको छ।

इतर पक्षको पहिलो प्रस्तावअनुसार १४औँ महाधिवेशनबाट निर्वाचित कार्यसमितिका पदाधिकारी तथा सदस्यहरूलाई विशेष महाधिवेशनबाट बनेको कार्यसमितिसँग समायोजन गरी सभापति गगनकुमार थापाको नेतृत्वमा रहेको केन्द्रीय कार्यसमितिलाई पूर्णता दिनुपर्ने उल्लेख गरिएको छ।