आज राति १० बजेदेखि नारायणगढ-काठमाडौँ सडक बन्द हुने

काठमाडाैँ । लगातार वर्षा र थप वर्षाको पूर्वानुमानका कारण नारायणगढ–मुग्लिन–काठमाडौँ सडकखण्डमा आज राति १० बजेदेखि अर्को सूचना जारी नभएसम्म सबै प्रकारका सवारीसाधनको आवागमन बन्द गरिने भएको छ ।

जिल्ला प्रशासन कार्यालय, चितवनले आइतबार साँझ सूचना जारी गर्दै धादिङलगायत छिमेकी जिल्ला तथा चितवनका विभिन्न स्थानमा वर्षा भइरहेकाले रातिको समयमा सवारी सञ्चालन गर्दा हुन सक्ने जोखिमलाई मध्यनजर गर्दै उक्त निर्णय गरिएको जनाएको हो ।