यू–१९ महिला क्रिकेटमा मधेसको विजयी सुरुआत, कोसीका दुई खेलाडीको अर्धशतक ओझेलमा

सुर्खेत । सुर्खेतमा जारी यू–१९ राष्ट्रिय महिला ट्वान्टी–२० क्रिकेट प्रतियोगितामा मधेस प्रदेशले विजयी सुरुआत गरेको छ । शनिबार (जेठ २३) वीरेन्द्रनगरस्थित कालुङचोक मैदानमा भएको खेलमा मधेसले कोसी प्रदेशलाई आठ विकेटले हराएको हो ।

कोसीका टीका शाह र प्रिन्सा रानामगरले अर्धशतकीय इनिङ्स खेलेका थिए । मधेसकी सना परविनको उत्कृष्ट प्रदर्शनले उनीहरूको उक्त इनिङ्स ओझेलमा पर्‍यो ।