ट्वान्टी-२० विश्वकपमा शेरको स्वर्णिम डेब्यु

मुम्बई — अफ स्पिनर शेर मल्लले ट्वान्टी–२० अन्तर्राष्ट्रियमा स्वर्णिम सुरुवात गरेका छन् । ट्वान्टी–२० विश्वकप क्रिकेटमा इंग्ल्यान्डविरुद्धको खेलमा आफ्नो पहिलो खेलको पहिलो बलमै उनले फिल सल्टको विकेट लिए ।

दुई महिनाअघि सम्पन्न नेपाल प्रिमियर लिग (एनपीएल) क्रिकेटमा सर्वाधिक संयुक्त १७ विकेट लिएपछि शेरले नेपाली टोलीको ढोका खोलेका थिए । खेलको दोस्रो ओभरमा आफ्नो पहिलो ओभर लिएर आएका उनले सल्टलाई सर्ट फाइन लेगमा सन्दीप लामिछानेबाट क्याच गराए ।