६ दशक पुरानको औद्योगिक सम्पत्ति ऐन संशोधन हुँदै, स्टार्टअप आइडियालाई कानुनी सुरक्षा

काठमाडौँ । नेपालमा विदेशी लगानीकर्ता आउन हिचकिचाउनु, स्टार्टअप युवाहरूको ‘बिजनेस आइडिया’ हुबहु चोरी हुनु, अनि जुम्लाको स्याउ वा पाल्पाली ढाकाको नाममा कमसल सामान बजारमा छ्यापछ्याप्ती बिक्नु, यी सबै समस्याको एउटै मुख्य जड थियो– झण्डै ६ दशक पुरानो कानुनी व्यवस्था ।

२०२२ सालमा बनेको ‘पेटेन्ट, डिजायन र ट्रेडमार्क ऐन’ले आजको आर्टिफिसियल इन्टेलिजेन्स, स्टार्टअप इकोसिस्टम र विश्वव्यापीकरणको युगलाई धान्न सकेको थिएन ।