फ्लाईदुबईको विमान काठमाडौँमा अवतरण हुन सकेन, लखनउ डाइभर्ट

दुबईबाट काठमाडौँका लागि उडेको फ्लाईदुबईको विमान त्रिभुवन अन्तर्राष्ट्रिय विमानस्थलमा अवतरण गर्न नसकेपछि भारतको लखनउतर्फ ‘डाइभर्ट’ भएको छ।

फ्लाईदुबईको एफडीबी ५३९ (एफजेड ५३९) उडान नम्बरको बोइङ ७३७ म्याक्स विमान काठमाडौँको आकाशमा एक घण्टाभन्दा बढी समय फन्को मारेर (होल्ड भएर) पनि अवतरण गर्न नसकेपछि लखनउतर्फ गएको हो।